මැව්වාද?

මට අද නන්දා මාලිනී නෝනගේ "ආදම් ඒවා මැව්වේ අපී අපී..." ගීතය අහන්ඩ හම්බුනා. මම ඒ ගීතය මුලින්ම ඇහුවෙ අද. මාර අර්ථයක් තියන ගීතයක්. ඇත්තටම හිතන්ඩ දේවල් ගොඩක් තියනවා. මුලින්ම කියන්ඩ ඕනා මම මේ ලිපිය මෙව්වා කරන්නේ (ලියනවා කියන්ඩ බෑනේ) කිසිම ආගමකට, සාස්තෲවරයෙකුට අවමානයක් කරන්ඩවත්, හෙලා දකින්නවත් සමච්චලයකට ලක් කිරීමට නෙමෙයි. මම ලියන්නේ මට හිතෙන දේ. මම බෞද්ධයෙක්. ඒත් මම බුද්ධ දර්ශනය ගැන හරියට දන්න කෙනෙක්වත් ඒ සම්බන්ධව විශාරදයෙක්වත් නෙමේ. ඒ උනාට මට මේ ලිපිය ලියන්ඩ හිතිලා ගොඩක් කල්.ආගමකට අගෞරව කරයි කියන සංකල්පය නිසයි පමා කලේ. අදනම් ලියන්ඩම හිතුනා.

මට මතක ඇති කාලේ ඉදන් අවුරුද්දේ සමහර කාල වලට ගෙවල් වලට කන්ඩායම් විදිහට කස්ටිය එනවා කාගේද පණිවිඩයක් අරන්. මම නම් එයාල එනවට කැමතී, මොකද ඉතින් තේකක් එහෙම දීලා කතා කර කර ඉන්ඩ පුලුවන්නේ. එයාලා ඉතින් ලේසියෙන් යන කස්ටියත් නෙමේනේ, ඉතින් කම්මැලිකමේ ඉන්න වෙලාවක ආවොත් ඔන්න ඔහෙ කතා කර කර ඉන්නවා. එයාලටම එපා වෙලා යනකන් (එපා උනත් එයාලා නෙමේ යන්නේ)

එයාලගේ ඔය මැවුම්වාදය, යක්ෂ සංකල්පය, සියල්ල යමෙක් විසින් පාලනය කිරීම වැනි සංකල්ප තියනවලුනේ. (මම දන්න හැටියට, මම වැරදි නම් කරුණාකරල කියන්ඩ ) මම දන්නේ නැති දේවල් ගොඩක් තියනවා මේ කතා කරන උදවියගේ වාග් මාලාවේ.

මුලින්ම මැවුම්වාදය ගමුකෝ,

මට මේ ප්‍රශ්න තියනවා, ඒ දේවල් දන්න කෙනෙක් ඉන්නවනම් කියලා දෙන්න.

1.මැවුම්වාදය ගැන කතා කරනකොට, නූතන විද්‍යවෙන් ඔප්පු කරපු පරිණාමවාදය බොරුද? මේ සියල්ල            ඉබේ පහළ උනාද?

2.ලෝකය යමෙක් මැව්වේ නම්, මවපු කෙනාව මැව්වේ කවුද? ඒ මවපු පුද්ගලයාගේ බිහිවීම විස්තර කර            හැකිද?

3.එහෙනම් පරිසරයට අනවශ්‍ය දේ මැව්වේ ඇයි?

4.යමක් සිදුවීම කාගේ හෝ කැමැත්තට අනුව සිදු උනා කියලා අත පිහදාගන්න පුලුවන්ද?

5. කැමැත්තට සිදු වෙනවානම් විපත්, කරදර, දුක ගෙනත් දීමත් කැමැත්තේම කොටසක්ද?

6.කාටවත් ඕනා විදිහට ලෝකය පාලනය කරන්ඩ පුලවන්ද?

7.තමා කරගත් අකුසල කර්මයන් සෝදා හැරිය හැකිද?

බෞද්ධ දර්ශනයේ නියාම ධර්ම, හේතුඵල වාදය, අටලෝ දහම වැනි මාතෘකා ඔස්සේ "ඉතා ගැඹුරින්, දීර්ඝ ලෙස" සලකා බැලෙන ඉහත කී ප්‍රශ්න සහ ඒවාට ලැබෙන පිළිගතහැකි ප්‍රායෝගික පිළිතුරු සමඟ සැසදීමේදී අර ගෙවල් වලට එන ඈයෝ දෙන පිළිතුරු ....................

(මා මින් නවතිමි, ලිපියෙන් කාටහරි අගෞරවයක් උනා නම් සමා වෙන්ඩ. ඉහත ප්‍රශ්න වලට පිළිතුරු දන්න ඈයෝ කියල දෙන්ඩ )